Сторінка:Генеральне слідство про маєтності Лубенського полку 1729 – 1730 рр. (1931).pdf/119

Матеріал з Вікіджерел
Перейти до навігації Перейти до пошуку
Ця сторінка вичитана
— 109 —

своѣхъ волностяхъ мѣютъ доставати:) жадного не чинено препятъствiя и пе репони. А войти эъ посполитими люди вышеспецѣкованнихъ селъ Манъжо совки и Бѣлоцеръкувки всякое бы ей паней Тарнавской эъ синами подданъ ское отдавали послушенство, такъ ораз ей въдовствующую паню Тарнав скую зъ дѣтми под нашу гетманськую приймуючи оборону, велѣли сей нашъ зъ войсковой енералной канъцелярий видати унѣверусалъ охраняючи, абы никто эъ старшини полковой прилуцкой въдовствующoй паней Тарнавской зъ дѣтми ея жаднихъ обидъ и налоговъ не чинилъ и до судову тамошнихъ не потягалъ. А хтоби мѣлъ до ей якую въ чомъ претенъсію, таковий повиненъ въ судъ войсковий енералний апелiовати, мѣти хочемъ и рейменътарско упо минаемъ. Данъ въ Глуховѣ, iюля 8, 1730 году.

Звышеменованний гетманъ рукою власною.

Мѣсце печати рейментарской.

[152] Его імъператорского величества войска Запорожского обоихъ сторонъ Днѣпра гетманъ Данийлъ Апостолъ.

Его ж імператорского величества войска Запорожского панамъ полковникамъ прилуцкому и лубенскому эъ старшиною полъковою п. п. сотникамъ полъковому прилуцкому и пирятинъскому и кому бы колвекъ вѣдати надле жало симъ нашимъ ознаймуемъ унѣверсаломъ, ижъ панъ Стефанъ Tapънавъский, знатний товаришъ бунъчуковий, презентовалъ намъ унѣверсалы от анътецессора нашего покойного пана Скоропадского данние ему за вѣрние его къ маестату его імъператорского величества услуги. Еденъ во 1709 году, априля 29 дня, на село Манъжосовъку въ полку Прилуцкомъ въ сотнѣ полъ ковой будучое; а другий въ 1712 году, ноеврія 12 на село Бѣлоцеръкувку въ полку Лубенъскомъ въ сотнѣ Пиратинъской положенъе свое имѣючое, на якие маетности онъ панъ Стефанъ Тарнавский просилъ и нашой унѣверсалной конъ фѣрмацій. Мы теды гетманъ, имѣючи по превисочайшой его імператоръского величества милости власть въсякие въ Малой Россій устроевати порядкы и по заслугамъ окривати нашимъ респектомъ по силѣ данной намъ жалован ной монаршой его ж імъператорского величества грамоти, респектуючи на вѣрние и нелениво ронячиеся не оттеперь, перво в енералной войсковой канцеллярій, а потомъ под бунчукомъ помянутого пана Стефана Тарнавъского радѣтелние къ его імператорскому величеству службы и въпредъ до онихъ усмотрѣвая въ немъ згодность и способност велѣли видат сей эъ вой сковой енералной канъцеллярій унѣверъсалъ, которимъ вышепрописанние села Манъжосовъку и Бѣлоцеркувъку со всѣми угодии ему пану Стефану Тарнавъскому въ спокойное и безпрепятственное владѣніе утверъжаемъ, и дабы ему пану Тарънавскому во владѣній тихъ селъ и въ отбиранню зъ онихъ въсяких повинностей (сопрочъ козаковъ, которие по високой его імператорского величества милости ненарушно при своѣхъ волностяхъ имѣют зоставати:) нѣ от кого не чинено жадного преслѣдованія, перепони и трудности. Войты теж съ посполитими людми Вышеспецѣкованнихъ селъ [1526] Манъжосовъки и Бѣлоцеркувъки повинни всякое ему пану Тарънавъскому яко державцѣ своему отдавати подданъское послушенъство мѣти хо чемъ и реименътарско упоминаемъ. Данъ въ Москвѣ, септеврія 16, pоку 1728.

Эвышменованный гетманъ рукою власною.

Мѣстце печати рейменътарской.

Копія

77.

Пресвѣтлѣйшаго и державнѣйшого великого государя его царского свя щеннѣйшого величества войскъ Запорожеских обоих сторонъ Днѣпра гетмань Іоанъ Скоропадский.