Сторінка:Генеральне слідство про маєтності Лубенського полку 1729 – 1730 рр. (1931).pdf/140

Матеріал з Вікіджерел
Ця сторінка вичитана
— 130 —

и службу нашу войсковую служать. А для вящшаго утвержения нашей цар ского величества милости и вѣчнаго владѣния тѣмъ селомъ и мелницею и всякими к нимъ приналежащими угодиѣ ему Михайлу, и женѣ ево, и дѣтемъ, сию нашу великих государей, нашего царского величества жало ванную грамоту утвердить нашею царского величества печаттю повелѣлы. Писана сия наша царского величества жалованная грамота государствия нашего во дворѣ въ царствующемъ, в велицемъ градѣ Москвѣ, лѣта от создания мира 7198-го году мѣсяца августа 11 дня. Государствовання нашего 9-го году.

У подлинной подписано тако: Великихъ государей ихъ царского велЙ чества государственнаго посолского приказу дякъ Анъдрей.

Божіею милостію пресвѣтлейшие и державнѣйшіе великіе государи, цари и великіе князи Іоанъ Алексѣевич Петръ Алексѣевичъ въсея Великія, и Малія и Бѣлія Росій самодержци.

[190] 23.

Его царъского просвѣтлого величества войска Запорожского обоихъ сторонъ Днѣпра гетман Іоанъ Скоропадский.

Всѣмъ кому колвекъ о томъ вѣдати належит, а особливе п. п. старшинѣ полковой лубенской, такъже пану сотниковѣ глинскому, атамановѣ городо вому і войтовѣ тамошному зо всѣми урядовими ознаймуемъ, иж панъ Афана сий Михайловичъ значний полку Лубенского товариш, мѣючи во владѣниѣ по унѣверсалу пана полковника своего лубенского село Сурмачовку вѣ томъ же Лубенскомъ полку в сотнѣ Глинской будучое, просил себѣ на оное нашего потвержения. Мы теды гетманъ, слушному тому его п. Афанасия не отмовивши прошенію, респектом его войскових услугъ велѣлисмо оному видати сей нашъ унѣверсал, которимъ яко ствержаемъ до ласки нащей войсковой помянутое село Сурмачувку вѣ зуполную его поссессию, позволяючи з него отбирати належитие повинности, такъ аби нѣхто зъ старшини и чернѣ войсковихъ і посполитих лю дей жадной ему въ томъ не чинилъ перешъкоды. Войтъ зас того села Сурма чувки зъ посполитими людьми (: опрочъ коҙаковъ, которие ненарушне при своихъ волно стях бити заховани мѣютъ:) обиклое ему ж пану Афанасу повинна будут отдаваты послушенство приказуеми. Данъ въ Глуховѣ ноеврия 18, 1710 року.

Зъвишъменънованний гетманъ рукою власною.

[1906] Его імператорского величества войска Запорожского обоихъ сторон Днѣпра гетман Даниѣл Апостол.

Пану полковниковѣ лубенъекому, п. старшинѣ полковой тамошной сотникамъ особливе же урядникамъ глинским, и кому бы қолвекъ отом вѣдати надлежа ло, ознаймуем сымъ нашимъ унѣверсаломъ, и панъ Афанасъ Жуковскій сотникъ глинский при супплѣцѣ своей презентовалъ намъ монаршую блажен ния и вѣчнодостойнія памяты великих государей, царей и великих князей lоана Алексиевича и Петра Алексиевича грамоту отцу его Михайлу Проко повичу, бывшему сотниковѣ глинскому, жалованную на село Волошиновку с принадлежащими до него угодиями и на мелницу под Глинскомъ на рецѣ Сулѣ будучую; якимъ селомъ по эмершомъ отцу своему владѣлъ онъ с по койнимъ братомъ своимъ Андреемъ, судиею полковимъ лубенскимъ, и нынѣ владѣетъ с позосталими его дѣтми, по половинѣ; да при томъ обявил намъ анътецессора нашего покойнаго гетмана Скоропадского два унѣверсали на село Сурмачовку и на отбиранъне войсковой мѣрочки въ млинѣ его одвох колах, едномъ мучномъ, а другомъ ступномъ на рецѣ Сулѣ, въ селѣ Шумску у Глинскомъ уездѣ стоячомъ до ласки войсковой наданіе. Почому просил онъ, панъ сотникъ, нашего потвердителнаго унѣверсалу, а при томъ предложил