видячи то быт речъ слушную и обачивши тот листъ продажный Дмитра Елца, добрый, порадный, слушный и ни в чомъ не на рушоный, и печати целые того листу и тыхъ всихъ, которые до него приложили, водлугъ права посполитого и статуту земского справеный и учиненый и обличъне через помененего Дмитра Елца на вряде нашомъ кгродском Киевском оповеданый и зознаный, тот листъ продажний, вышей в томъ нашомъ листе описаный, ни в чомъ его не нарушаючы, вцале и в моцы зоставуемы, а моцю зверхности нашое господарское потвержаем и умоцняемъ тымъ нашимъ листомъ: мает Марко Поплавский, он самъ, жона, дети и потомъкове его тое селищо зо всимъ, яко на листе продажномъ въ границахъ своих описано, зо всими приналежачими до него пожитки держати, уживати вечными часы. Што все з росказаня нашого до книгъ нашихъ канцлярейских коронныхъ записано естъ, а на свядецтво и добрую ведомост того всего вышей писаного и печат нашу коронную до того листу нашого притиснути есмо велели. Данъ въ Варшаве дня осмого-надцать мѣсяца марца року от нароженя Сына Божего тисеча пят сот семдесят второго, а панованя нашего сорокъ третего. Valenty Dembinsky, r. P. cancell.
Коронна Метрика Московського Архива Мінїстерства Справедливости, I, В. кн. N 2 f 123.
 | На місці цього тексту повинне бути зображення. To use the entire page scan as a placeholder, edit this page and replace "{{missing image}}" with "{{raw image|Записки Наукового товариства імени Шевченка. Том XI (1896).djvu/84}}". Otherwise, if you are able to provide the image then please do so. For guidance, see en:Wikisource:Image guidelines and en:Help:Adding images. |
