Ця сторінка вичитана
11
тре́ба, й тꙋ́южъ во́дꙋ да́вши завсегда̀ пи́ти а҆ не чого̀ и҆́ншого, кро́мѣ того̀, потре́ба конѧ̀ тако́го держа́ти въ теплѣ̀ не привѧ́зꙋючи, а҆ когда̀ то́е не помо́же, шꙋка́ти по́мочи тре́ба и҆́ншыхъ лѣка́рствъ, кото́рїи здѐ кладꙋ́тсѧ.
а҃. Є҆́сть по А҆́пти́кахъ, ѹ҆ Лѣкарѡ́въ, а҆ ча́сомъ и҆ ѹ҆ кра́маровъ гꙋ́бка мордеѧ́вогѡ дре́ва, взѧ́вши тое́й гꙋ́бки лꙋ́тъ є҆де́нъ, со́лѣ по́рцыю, полчве́рти лꙋ́та ка́ждого, гꙋ́бкꙋ пото́вкши, до́бре вари́ти со всѣ́мъ въ винѣ̀ францꙋ́зкомъ, и҆лѝ въ горѣ́лцѣ мо́цной, и҆ влѧ́ти то́е коне́вѣ чрез̾ гре́бло в го́рло, и҆ въ но́здри потро́ха.
в҃. Наварѝ мрово́къ з̾ гнѣздом, перецѣди́вши, да́й коне́вѣ пи́ти то́й воды̀ чрез̾ трѝ днѣ̀, а и҆́ншой недава́й.
