г҃. Звѧжѝ Конѧ̀ найлѣ́пше, положи́вши є҆гѡ̀, роспали́жъ шва́йкꙋ до́лгꙋю, и҆ воткнѝ є҆мꙋ̀ въ коне́цъ хвоста̀, междꙋ̀ шкꙋ́рꙋ, а҆ колѝ глꙋбо́ко на цѣ́лꙋ доло́ню, зробѝ за́разъ кно́тъ до́вгїй на доло́нь з̾ конопле́й тве́рдо, и҆ насмарꙋ́й є҆гѡ̀ козло́вымъ ло́емъ, вложѝ въ ра́нꙋ, и҆ ви́нѧвши є҆гѡ̀ по заꙋ́трꙋ ви́мый ра́нꙋ о҆́цтомъ те́плымъ, и҆ зно́вꙋ нама́жъ кно́тъ ты́мже ло́емъ, и҆ воткнѝ ꙗ҆́къ пред̾ ты́мъ было̀, и҆ та́къ ко́ждого днѧ̀ чинѝ за всегда̀, а҆́жъ по́ки переста́не слю́зъ но́здрами скида́ти. а҆́ле при то́мъ и҆́ннии лѣка́рства чрез̾ гꙋ́бꙋ и҆ но́здры мꙋ́сишъ дава́ти.
д҃. Возмѝ чемери́цѣ чо́рной ко́рень въ А҆́пти́цѣ, а҆́л̾бо ѿ кꙋпцѡ́въ, намочѝ чрез̾ но́чъ въ горѣ́лцѣ, и҆ ѹ҆мочи́вши ча́сто з̾ гꙋ́сѧчого скрила̀ перо̀, воткнѝ въ о҆́бѣ но́здры,
