сти ча́сомъ по все́мъ коню̀ быва́ютъ роски́даны, а҆ ча́сом т́ол̾ко на каркꙋ̀, а҆́л̾бо на нога́хъ, а҆́л̾бо на ѹ҆́дахъ, и҆ чрез̾ но́здры випри́скꙋетъ ча́сто, когда̀ по шы́и, по над̾ го́рломъ ґꙋл̾о́къ и҆лѝ коро́стъ нема̀, звали́ти конѧ̀, и҆ пꙋща́дломъ по перетина́ти и҆́ншїи ра́ны и҆лѝ ґꙋлкы̀, кото́рїи бꙋ́дꙋтъ по нога́хъ и҆ по ты́лꙋ, гара́чимъ желѣ́зомъ запѣка́ти, сы́нѣмъ ка́менемъ засыпа́ти, а҆ по то́мъ на трѝ добѣ̀ поста́вити. Нап́ой тако́мꙋ: взѧ́ти ква́ртꙋ мꙋкѝ жи́тной и҆ ше́сть ква́ртъ воды̀, и҆ бо́лше того̀ не дава́ти пи́ти, когда̀ на каркꙋ̀ по шы́и, по над̾ го́рлом̾ ґрꙋзо́ли сꙋ́ть и҆ ґꙋл̾кы̀, на то́й ча́съ потре́ба жи́лꙋ з̾ хра́пѣвъ витина́ти, ты́мъ спо́собомъ, хра́пы при само́й ко́стѣ ноздрово́й вздо́вжъ розрѣ́зати, не тре́ба є҆дна́къ дорѣ́зовати до конца̀ но́здры, та́мсѧ жи́ла ѹ҆-
