Ця сторінка вичитана
15
ка́жетъ под̾ шкꙋ́рою, тꙋ́ю тре́ба па́лцемъ поднестѝ, и҆з̾ є҆дно́й и҆з̾ дрꙋго́й стороны̀ ѿрѣ́зати пре́чь, то и҆з дрꙋго́й стороны̀ хра́пѣвъ зробы́ти, сѣ́лю засоли́ти и҆ завѧза́ти.
НА҆́ Ѡ҆́ХВА҆́ТЪ.
Когда̀ ко́нь на є҆днꙋ̀ но́гꙋ зача́въ кꙋлга́ти, то не є҆́стъ ѡ҆́хватъ, ꙗ҆́къ запада́е ра́зомъ на четы́ри ноги, лю́бъ двѣ̀, за́днѣи и҆лѝ пере́днѣи, въ то́й ча́съ є҆́сть ѡ҆́хватъ.
НА҆́ Ѡ҆́ХВА҆́ТЪ ЖИ҆́ТНЫЙ.
а҃. Когда́сѧ ко́нь ѡ҆хвати́тъ збо́жемъ, на то́й ча́съ па́даетъ ѡ҆ зе́млю, и҆ надме́тъ є҆мꙋ̀ бо́ки, на то́е взѧ́ти горчи́цѣ, междꙋ̀ трѝ па́лцѣ, тро́шка ѡ҆ли́вы, пи́ва квасно́го з̾ дрожджа́ми, и҆ то́е змѣша́вши, влѧ́ти въ го́рло, и҆ за́разъ
