Сторінка:Ленкевич І. Книжиця для господарства (1788).pdf/21

Матеріал з Вікіджерел
Перейти до навігації Перейти до пошуку
Ця сторінка вичитана

з̾ того̀, же ко́нь ра́птомъ запада́етъ на но́ги и҆ бо́кы є҆мꙋ̀ западꙋ́тъ, на то́е пꙋсти́ти кро́вь з̾ жи́лъ, кото́рїи называ́ютсѧ крꙋго́вїи, ті́и сꙋ́ть вы́шше колѣ́нъ коло̀ пахви́нъ.

в҃. Всадѝ застрꙋ́ганꙋ лѣ́скꙋ з̾ де́рева ꙗ҆ко́го, сиро́го на па́лецъ грꙋ́бꙋю, въ о҆́бѣ но́здры, ті́и лѣскы̀ накарбова́ти тре́ба, то́й коне́цъ, кото́рый въ но́здры вса́жꙋетсѧ, и҆ ти́ми ѡ҆быдвома̀ та́къ до́вгѡ крꙋти́ти тре́ба, по́ки а҆́жъ кро́вь зы́йде до́бре, смотри́ти є҆днако́вѡ тре́ба, дабы ті́и лѣскы̀ былѝ коро́тшіи ѿ о҆́ка на трѝ ца́лѣ.

г҃. Мы́ла ки́л̾ка крꙋ́глихъ кава́лковъ що̀ хо́чь, вложѝ коне́вѣ въ го́рло.

На ѡ҆́хватъ во́дный.

а҃. Ѡ҆́хватъ во́дный є҆́сть то́й, когда̀ ко́нь на чети́ри но́ги зача́въ