Воспріявши убо во областъ свою Поляки Кіевъ и Малороссійскія страни, по доволномъ времени усовѣтоваша въ работѣ имѣти живущія въ нихъ люди; но иже бяху отъ сихъ воинского чина отдревле и мечемъ упражняхуся, а не работнимъ игомъ, сіи рабского не навикше ига и дѣла, изволиша самоволно около реки Днѣпра нижае пороговъ въ пустихъ мѣстехъ и въ дикихъ поляхъ пребывати, кормлящеся рибними и звѣриними ловли и морскимъ на бѣсурманъ розбоемъ… …и оттого времени Козаками нарицахуся, аще кто и Полякъ бяше, си есть свободное воинство, яко безъ найму, своею волею на Татаре хождаху. И оттуду многокротнихъ ради браней велми Козаки въ храбрость и силу возрастоша, гладу же, жаждѣ и зною и всякимъ воздушнимъ нахожденіямъ велми обикли. Пища ихъ бѣ житное тѣсто квашеное, зовомое саломаха рѣдко сваренное, и тимъ суть доволни; а когда случится съ рибною, яко Козаки глаголютъ, щербою, то за найпереднѣйшую трапезу имѣютъ. Живутъ же въ куреняхъ по сто-пятдесять и болѣе, и вси пищу вишереченную имутъ едину. Единого же старѣйшого въ куренѣ имѣютъ, въ воинскихъ дѣлехъ воина искуснѣйшого, и того почитаютъ и повинуются ему, аки найвищому по Кошовомъ Атаманѣ началу; но и старѣйшини ихъ живутъ купно съ опаствомъ, аще бо бы чимъ нѣбудь ихъ оскорбилъ надъ право то абіе бѣднѣ и безчестнѣ предаютъ ихъ смерти. Татба же и блудъ между ими отнюдь не бываетъ, а за едно путо или плѣть вѣшають на древѣ. Одежда въ ихъ бѣ една или двѣ.
По семъ едва воеваша Турскую и Татарскую землю обогатишася зѣло и исполнени суть доволствомъ всякого
- ↑ Лѣтопись Григорія Грябянки. Київ, 1854, Стор. 18–20.
