Року 1603 Ишла саранча месяца Августа 16.
Року 1604 При великомъ короли Жикгимонте, а при воеводе Киивскомъ, князи Василии Острозскомъ оказался якийсь царъ; першей былъ въ Печерскомъ монастыри чернцомъ, полрока никто его не зналъ, а пришолъ зъ Волыни, не знать откуль; потомъ пошолъ до князя Адама Вишневецкого, до Брягиня, тамже скидалъ платие чернецкое; князь Адамъ оздобилъ его по царсву уборами и прославилъ его царемъ Московскимъ и удалъ его до кроля. Кроль, му додавши вѣры, пустилъ его на Москву и при немъ пустилъ воеводу Сандомирского и пана Ратомского, старосту Острицкого, и иныхъ пановъ много. Который ишолъ гойне, яко царъ; приставало до него панства много. Пришолъ до Киева октебрія 7 дня, былъ въ Киеви две недели, стоялъ у Олехновича бурмистра, пошолъ на Вышегородъ и шолъ до Путивля. Вышолъ съ Путивля мая третего 1605 року. Тогожъ року сѣлъ на царстве и коронованъ заразомъ, а за якимсь забуренемъ забыто его року 1606, мая 9 дня.
Року 1608 месеца Февраля 13 дня преставися благовѣрный и христолюбивый князь Василий Острожский, воевода Киевский, которий пасѣялъ рускую землю книгами святыми вѣры православной; мѣлъ и друкарню у Острозѣ и школы философскія языкомъ греческимъ, и латинскимъ, и словенскимъ. Которого тѣло положено у Острозѣ, въ церкви святого Богоявленія. Жилъ на свѣтѣ лѣтъ 82.
Року 1609. Панъ Жолковский, гетманъ великий, наехалъ на воеводство Киевское. Тогожъ року и церковъ Святои Софии отстала отъ службы; не почали священники до неи со кресты ходити и службы Божеи отправовати, прето, ижъ митрополитъ Ипатий присталъ до костела римского и приказалъ былъ тамъ священникомъ киевскимъ за себе Бога просити; але не получилъ того, хотяжъ зажили працы и кошту до двору королевского; за шчо тежъ и онъ самъ отъ Бога былъ навѣженъ злою хоробою и зле живота доконалъ у Володимери. Позвалъ поповъ мандатомъ на трибуналъ, да самъ и справъ своихъ не попиралъ. А предъ нимъ былъ мит-
