дана будетъ. Отсылаю, а чогомъ былъ отъ летъ трохъ у той земли сведомъ, томъ коротко написалъ.
Року 1611 месеца Июля 3 дня кроль Жикгимонтъ взялъ Смоленскъ зъ недели на понеделокъ.
Року 1612, месеца апреля 19 дня, на паметь преподобного отца нашего Иоана вѣтхия лавры освещенна бысть церковь светого Спаса[1], а светого Петра и светого Николы у манастыри Межигорскомъ при игуменѣ Афанасіи архиепископомъ[2] зъ Кгрецѣи; и много народу было зъ мѣста Киева и зъ иныхъ мѣстъ. Тогожъ року и тогожъ месеца 23 дня на день светого великомученика Георгия той же архиепископъ осветилъ церковь светои Троици, въ ней же придѣлъ светого Кирилла[3] при игумене отцу Василии[4] Красовскомъ, прозываемомъ Чернобровцѣ.
Року 1613 месяца ноября 3 дня на память святыхъ мученикъ Акипиксимы и презвитера Иосифа громъ гремевъ и дождь былъ сильный и зъ великимъ страхомъ на 16 године.
Первого початку старого нигдѣ у кройникахъ не обретохомъ, токмо сей антиминсъ на томъ-же престолѣ старомъ, сице подписаный: „Осветися алтарь Великого Бога и Спаса нашего Исуса Христа, Пресвятыя Богородицы честнаго Ея Успѣнія преосвященнымъ архиепископомъ и митрополитомъ Киевскимъ и всея Руси Мисаиломъ, при великомъ короли Казимери; и положенъ бысть здѣ въ лѣто 6901, индикта 6, марта 20 дня, на паметь преподобнаго отца нашего. Исака Лѣствичника“.
