Ой, верше мій, верше

Ой, верше мій, верше 1930

зі збірки М. Гайворонського «Українські народні пісні Лемківщини й Закарпаття». New-York; Lviv. 1930. Записана від П.Ковальчика з під Горлиць • Інші версії цієї роботи див. Ой верше мій, верше

Ой верше мій, верше,
Мій зелений верше,
Юж мі так не буде,
Як мі било перше.

А мі било перше,
Гуляти си било,
Од своєй мамички
Не ходити било.

Не ходити било,
Кадиль я ходила,
Не любити било,
Кого я любила.

Янічку, златовлас,
Чом не ходиш до нас?
Чи ся мами боїш,
Чи о ня не стоїш?

Мами ся не бою
І о тебе стою.
Лем ся преокрутні
Злих язиків бою.

Бо то ті язики
Гірше ніж од меча,
Порубе, посіче,
Лем кров не потече.