лю пойшли, а инихъ постинано много, бо орда не брала полону задля того, жеби не обтяжалися[1], але усе стинали. И такъ Хмелницкій з своими войсками и татарми или с ордами ве ликими просто ку Лвову потягли, пустошили усѣ городи, и под Ілвовъ подступивши, попустошилъ[2], тилко самий городъ Лвовъ окупъ за себе далъ ордѣ и Хмелницкому. И такъ оттуля[3] Хмелницкій зо всѣми потугами потягнулъ под Замостя, а тамъ стоячи, орда с козаками по самую Вислу пустошили; также Волинь[4] городи значніи повиймали: Острогъ Великій, Заславя, Луцко, Володимеръ[5], Кобринъ, ажъ и[6] Берестя Литовское. И хто можетъ зраховати такъ неошацованную школу в людехъ, що орды позабирали, а маетности козаки побрали! Бо в тотъ часъ не було милосердія межи народомъ людскимъ[7]. Не тилъ[8] жидовъ губили и шляхту, але и посполитимъ людемъ, в тихъ краяхъ живучимъ, тая ж бѣда была. Многіе в неволю татарскую пойшлы, а наибарзѣй ремесники молодіе, которіе себѣ голови голили по-полску, чуприну пускаючи на верхъ голови. Але предся русь християне в тихъ повѣтахъ в городахъ позоставали, и ежели якого поляка межи собою закрили, то тотъ живъ. Костелѣ зась римскіе пустошили, склепи с трупами[9] откоповали,
- ↑ Въ спискѣ г. Юзефовича и въ изданіи г. Бодянскаго: „жеби не обтяжатися“.
- ↑ Тамъ же: „пустошилъ“.
- ↑ Тамъ же: „оттоля“.
- ↑ Тамъ же: „на Волыни“, что, кажется, правильнѣе.
- ↑ Тамъ же: „Владимеръ“.
- ↑ Въ изд. г. Бодянскаго: „ажъ по Брестя Литовское“.
- ↑ Въ спискѣ г. Юзефовича и Козельск. „межи народомъ лядскимъ“.
- ↑ Въ изд. Бод. въ спискѣ г. Юзефовича и Козельскаго: „Не тилько“.
- ↑ Въ сп. Козельскаго: „з трунами“.
