и за него проклятство прошлого року было, и того священника, виволокши з олтара, по службѣ божой, сродзе были и на смерть забили бы, ежели бы не оборонилъ полковникъ наказній, з своими припавши козаками.
Того жъ року місяця[1] августа 23, приступивши князь Ромодановскій з войсками московскими, и гетманъ Іванъ Самуйловичъ[2] с козацкими войсками посполу ку Днѣпру[3] противъ Бужина на переправу, а напередъ, еще не пришовши ку Днѣпру, вислали до Чигирина козаковъ пѣхоти полтори тисячи и москви приказъ,[4] которіе, за ласкою божіею, увойшли оборонною рукою в Чигирина, любо онимъ орда того боронила,[5] але по над Тясминомъ оборонною рукою[6] увойшли. Притягнувши[7] ку Днѣпру, войска московские и козацкіе зараз старання приложили о переправованю через Днѣпръ; але онимъ барзо того турецкіе войска з ордами боронили, бо и самъ ханъ былъ. Еднакъ же войска козацкие, отважившися, суднами на той бокъ Днѣпра переправлялися у ночѣ и тамъ зараз шанцѣ над Днѣпромъ дали у переправи; хочай онимъ турецкіе войска барзо налѣгали, але онихъ вспирали гарматами через Днѣпръ з войска козацкого и московского. Итакъ козаки и москва, яко могучи, переправовалися, даючи отпоръ неприятелевѣ и що часъ шанцовъ при-
- ↑ Въ сп. г. Юзефовича и въ изд. г. Бодянскаго нѣтъ этого слова. Въ сп. Козельскаго: „мѣсяця августа 27 д.“
- ↑ Тамъ же: „и гетманомъ Самойловичемъ“
- ↑ Въ изд. г. Бодянскаго, вѣроятно, но Третьяковскому сп. и въ сп. Козельскаго: „с козаками ко Днѣпру“.
- ↑ Тамъ же слово „приказъ“ пропущено.
- ↑ Тамъ же: „любо орды моцно того обороняли“.
- ↑ Тамъ же эти два слова пропущены, а вм. „увойшли“ — „ишли до Чигирина“.
- ↑ Въ сп. г. Юзефовича: „потягнувши“.
