А а, Б б, В в, Г г, Ґ ґ, Д д, Е е, Є є, Ж ж, З з, И и, І і, Й й, К к, Л л, М м, Н н, О о, О̂ о̂, П п, Р р, С с, Т т, У у, Ф ф, Х х, Ц ц, Ч ч, Ш ш, Щ щ, Ы ы, Ь ь, Ѣ ѣ, Ю ю, Я я, Ѳ ѳ.
Примѣтки: 1. В церковно-славянско̂м языцѣ кромѣ сих букв употребляються єще: Ѕ ѕ, Ѿ ѿ, Ъ ъ, Ѡ ѡ, Ѯ ѯ, Ѱ ѱ, Ѵ ѵ.
2. Закарпатскѣ Русины вмѣсто букви ѣ пишуть ї.
1. Напиши 10, (20, 30) букв.
2. Спиши всю азбуку!
3. Розложи в азбучно̂м порядку буквы: м, ж, д, к, и, а, у, р, л, ч, й!
4. Розложи в азбучно̂м порядку слова: рука, ко̂нь, табла, образ, сто̂л, дво̂р, во̂л, ангел, Господь, Бог, Царь, окно!
5. Розложи имена ученико̂в нашоѣ класы!
6. Одповѣдайте на вопросы: Где росте верьба? Коли пристигає ягода? Из чого є клепач? Як ся зове головный город По̂дкарпатскоѣ Руси?
Небо. Диван. Сѣно. Бык. Линія. Когут. Екзамен. Ключ.
Из яких звуков состоить первое слово? Ци мож первый звук выповѣсти без помочи другоѣ буквы? Нѣт. А другий звук ци мож выповѣсти без помочи другого звука? Мож… Спиши даннѣ слова и по̂дчеркни буквы, котрѣ мож выповѣсти без помочи другоѣ буквы! Спиши слова и по̂дчеркни буквы, котрѣ мож произносити лиш з иншою буквою вєдно! Як ся называють буквы сесѣ, а як тѣ?
