Въ року 1676 Шайтанъ баша войско Полское, и круля, и гетмановъ подъ Журавномъ облегъ и тамъ до часу згоду учинили съ собою.
Року 1680 месеца декеврия дня 18 показалъ Господь Богъ комету барзо великую отъ заходу слонца, которую остролоgове поведаютъ быти на шестъ сотъ и сѣмъдесятъ и пятъ милъ; знову въ рукъ маленка кометка показалася.
Року 1683 вейзоръ турецки из великою потугою по сѣмъ кротъ сто тисячи войска подъ Видьно, мѣсто столечъное цѣсарское спровадилъ и до оного штурмовалъ презъ килка недель, и южъ цале достати малъ, gдыбы было отъ Бога найвышого и отъ Пресвятои Дѣвы обороны не было, котрая и круля полского Іоана третого на то не побудила, котрий изъ войскомъ своимъ и козацъкимъ и цѣсарскимъ вѣкъторию отримали и войско ихъ поразили и подъ Стигольномъ еще люпъшую вѣкторию отримали.
Року 1690 былъ голодъ велики: жито было по золотыхъ 16, пшениця по 20, овесъ по 8.
Року 1693 панъ Янъ Бонавинтура на Краснымъ Красѣнски, воевода Плотски, староста Варшавски, Штумски, Прагненски, Новомески, отрималъ купъномъ маетности Добромилскии Гербуртовскии.
Року 1695, месеца февраля дня 3, татарове сѣмъдесятъ тисячи подъ Ілъвувъ пришли и на тойчасъ великое кровопролитие християнской крови проляли и по иншимъ мѣстомъ.
Року 1698 ксонже Саское, на имя Авъгустъ, коронованый на крулевство польское.
Року 1699 дороgутня была великая: пшениця была по 34, жито по 26; также было и въ року 1700. А въ року 1699 месеця сепътеврия, турци изъ Каменца уступили доброволне, а то для круля Августа, а не для панувъ Полякувъ.
Въ тимже року 1700, месеця февряла дня 12, егомосцъ отець епископъ Премиски, Іннокенти Винницки, пожегнался изъ свѣтомъ ізъ вувторка на середу, дивновъ а праве неслыхановъ пригодовъ: отъ докторскихъ лѣкарствъ, неострожне и неростропне даныхъ, згорѣлъ въ простиралахъ, олейками напущоныхъ, объвиненый.
