мле, оуже за шеломꙗнемь ѥси! Длъго ночь мркнеть; зарꙗ свѣтъ запала, мъгла полꙗ покрꙑла, щекотъ славий оуспе, 15говоръ галичь оубоуди. Роусичи великаꙗ полꙗ чрьленꙑми щитꙑ прегородиша, ищоучи себѣ чти, а кнꙗзю славꙑ.
Съ зараниꙗ въ пꙗтъкъ потопташа поганꙑꙗ плъкꙑ половецкꙑꙗ, и рассоушꙗсь стрѣлами по полю, помчаша краснꙑꙗ дѣвкꙑ половецкꙑꙗ, а съ ними злато и паволокꙑ и драгꙑꙗ оксамитꙑ. Орьтъмами и ꙗпончицами и кожоухꙑ 5начашꙗ мостꙑ мостити по болотомъ и грꙗзивꙑмъ мѣстомъ, и всꙗкꙑми оузорочьи половецкꙑми. Чрьленъ стꙗгъ, бѣла хорюговь, чрьлена чолка, сребрено строужиѥ храбромоу Свꙗтъславличю!… Дремлеть въ полѣ Ольгово хороброѥ гнѣздо, далече залетѣло! Не бꙑло въ[1] обидѣ порождено, ни 10соколоу, ни кричетоу, ни тебѣ, чрънꙑй воронъ, поганꙑй Половчине! Гза[2] бѣжить сѣрꙑмь влъкомь, Кончакъ ѥмоу слѣдъ править къ Доноу великомоу.
Дроугаго дни вельми рано кровавꙑꙗ зори свѣтъ повѣдають; чрънꙑꙗ тоучꙗ съ морꙗ идоуть, хотꙗть прикрꙑти четꙑри солнца, а въ нихъ трепещоуть синии млънии. Бꙑти громоу великомоу! ити дождю стрѣлами съ Доноу великаго! 5Тоу сꙗ копиѥмъ приламати, тоу сꙗ саблꙗмъ потроучꙗти о шеломꙑ половецкꙑꙗ на рѣцѣ на Каꙗлѣ, оу Доноу великаго. О роускаꙗ земле, оуже за[3] шеломꙗнемь ѥси! Се вѣтри, Стрибожи вноуци, вѣють съ морꙗ стрѣлами на храбрꙑꙗ плъкꙑ Игоревꙑ. Землꙗ тоутнеть, рѣкꙑ моутно 10текоуть, пороси полꙗ прикрꙑвають, стꙗзи глаголють. Половци идоуть отъ Дона и отъ морꙗ и отъ всѣхъ странъ: роускꙑꙗ плъкꙑ остоупиша[4]. Дѣти бѣсови кликомь полꙗ прегородиша, а храбрии Роусичи преградиша чръленꙑми щитꙑ.
15Ꙗръ-Тоуре Всеволоде! стоиши на борони, прꙑщеши на вои стрѣлами, гремлеши о шеломꙑ мечи харалоужнꙑми. Камо Тоуръ поскочꙗше, своимь златꙑмь шеломомь посвѣ-