-
24 —
бѣду, да свой разумъ въ той забавѣ и фрасунку и старанія домо-, вого, землейого и* женского погребу. Чтожъ за пожитокъ той утѣхи и похоти тѣлесныя, коли Утѣшителя Духа витати въ своемъ гмаху сердечномъ николи ле сподоблюся? Чтожъ за пожитокъ съ той жены, коли жениха Христа во своей ложницы сердечной, пришедши успокоитися и оепочинути, видѣти не могу? Чтожъ за по житокъ съ того домку, коли въ палацу небесного мѣста Іеруса;шма сидѣти не буду? Чтожъ за пожитокъ съ той малой землицы и грѵитику, коли сторичное заплаты, реченное Христомъ, во царствіи небесномъ за оставленіе сихъ не пріиму, и живота вѣчнаго наслѣдникомъ и дѣдичемъ быти не могу?— Презъ то да знаешъ, діяволе, яко я отъ тебе жены, дому и земли дочасное не прагну, тебе поклонитися не хочю: Господу Богу, во Троицы славимому, поклоитося, и тому единому послужу, и нынѣ и все время житія моего и во вѣки вѣкомъ, аминь. И д и з а мн о ю, с а т а н о, исчезни u пропади самъ съ царствомъ своимъ прелестнымъ. Пріидите по клонимся Христу Спасителю нашему.
Христолюбивому братству львовскому и прочіимъ братіямъ единомудреннымъ и единоплемевнымъ, купноже и всѣмъ православнымъ христіяном Малое Руссіи въ санѣхъ и достоинствахъ различно преимущимъ, богатымъ и убогимъ, княземъ, и паномъ, и простымъ, духовнымъ и свѣцкимъ, и еликимъ до зрака очесъ сіе писаніе приникнитъ: Іоаннъ русинъ Вышенскій, скитствуяй въ святѣй горѣ, отъ Христа Спаса спасенія алчетъ и все душно молитъ.
Занеже устремищася отъ святыя Аѳонскія горы монастыря Ксенова братія ити въ предѣлы жительства вашего христолюбія, не здаломися задремати недбалствомъ, во еже не посѣтити васъ словомъ начертателнымъ въ хартіи, которыхъ едино якъ съ памяти выгнати (за твердость изліанія духа любовного) не могу, такъ тѣжъ
