Сторінка:Летопись Самовидца по новооткрытым спискам 1878.pdf/162

47

шево; а господара волоского Василя Лупула взято до Царигорода, и тамъ зоставалъ у вязеню в Едикулѣ и померлъ тамо^[1].

Року 1657.

Гетманъ Хмелницкій, з̾носячися з Ракочимъ, королемъ венгерскимъ, и королемъ шведскимъ, але хотячи того, жебы король венgерскій опановалъ корону полскую и королемъ зосталъ^[2], которій выйшолъ з своеи землѣ з войсками, такъже и шведъ з войсками своими, на початку того року зимою^[3]. До которихъ и гетманъ Хмелницкій вислалъ от боку своего Антона чигиринского, придавши ему зо всѣхъ полковъ людей чолнѣйшихъ^[4] по килка сотъ, албо іншихъ и тисяча ишло охочихъ. И такъ потягши Подгорямъ за Самборъ^[5], и тамъ з̾лучилися^[6] з войсками венкгерскими а напотомъ и з шведскими и пустошили Полщу ажъ по самые Прусы, бо и Варшаву узяли были. Барзо тогда великое спустошеня стало Полщи, бо начавши от зимы, немалъ цѣлое лѣто тамъ пустошили. Що видячи король полскій, любо зостаючи за границею, з сенаторами прикладали старання, якъ бы тому запобѣгнути, жебы до остатку не згубити своей землѣ, — послали до Криму хана просячи о помощъ, которій онымъ приобѣцявши^[7] посылаетъ солтана^[8] Волоскою землею. А тутъ зась король полскій з

1. Въ сп. Козельскаго: „где и померъ“.
2. Въ изданіи г. Бодянскаго и въ спискѣ г. Юзефовича: „зоставалъ“.
3. Въ изданіи г. Бодянскаго нѣтъ слова: „зимою“.
4. Въ изданіи г. Бодянскаго: „голнѣйшихъ“.
5. Въ изданіи г. Бодянскаго и въ сп. г. Юзефовича:  за Самборомъ“.
6. Тамъ же ошибочно: „учинилися“, вм. „злучилися“.
7. Въ изданіи г. Бодянскаго и въ спискѣ г. Юзефовича: „приобѣщавши“.
8. Тамъ же: „солтановъ з ордами“.