того уряду и з-с ошуканнямъ его подводячи[1] за-для узятя подарковъ, же якоби его войско на Запорожу хотятъ гетманомъ насътановити. А онъ, яко простакъ, а маючися добре, не жалуючи кождого[2] даровалъ, а Сомка гетмана яко могучи удавалъ и на Москву описовалъ, за которимъ его уданнямъ оба зостали у великомъ подозрѣнію и неласце на Москвѣ. Аже видячи полковникъ нѣжинскій, же Бруховецкій, вишовши з Запорожжа, жадной карти до оного не пишетъ, отзиваючися з якою приязню, умислилъ былъ самъ ехати до Гадячого, и зобравши товариство значное в Батуринъ, и тамъ хотѣлъ тихъ людей вигубити, которіе оного от злого отводили, жеби не удавалъ Сомка, и межи собою гетмана настановили и тое оному персвадовали, же запорожцѣ не зовсѣмъ добримъ на старшину городовую жичутъ,[3] якъ то у оныхъ звичай давній. Аже по волѣ его не сталося, бо пѣхота, которую онъ на тое былъ в Батуринъ[4] впровадилъ и наустивъ, Богъ[5] сердца отвернулъ от невиннихъ людей, же на него самого повстали и за малимъ его не убили, же заледво тое ускромили; и із Батурина послалъ подарунки[6] до князя Ромодановского, жеби руку его[7] держалъ, такъ же и вѣвѣдуючися о томъ,[8] ежели запорожци что будутъ о томъ мовити, жеби оному гетманомъ бути. Аже посланцѣ застали
- ↑ Въ сп. Козельскаго: „подходячи“.
- ↑ Въ сп. г. Юзефовича и въ изданіи г. Бодянскаго вмѣсто „кождого“ стоитъ: „добре“.
- ↑ Въ сп. г. Юзефовича описка: „чижутъ“, а въ спискѣ Козельскаго „видутъ“.
- ↑ Въ изд. г. Бодянскаго нѣтъ слова: „в Батуринъ“.
- ↑ Въ изд. г. Бодянскаго и въ сп. г. Юзефовича вм. „Богъ“ — „бо“.
- ↑ Тамъ же: „подарки“.
- ↑ Тамъ же нѣтъ слова: „его“.
- ↑ Тамъ же „в томъ“.
