хали царского росказання и тихъ килка козаковъ поймали и того столника отпустили з честю з коша, и поехали в рѣчи[1] опроважати челнами, и недалеко отпустивши[2] от Сѣчи, утопили, и инихъ, хто при нему былъ, а тую казну пожаковали, що проважено хану в Кримъ. И такъ юже на своеволю почали знову заробляти, запомнѣвши такъ великую ласку царскую ку себѣ, же онимъ слалъ соболями, сукнями,[3] грошми, борошномъ; которое ихъ злое дѣло без карности минулося: его царское величество пробачилъ. Але юже ненависть почала рости на Украину за такую своеволю: нарушили ласку его царского величества; а козацтво що далѣй в злость ся утравляли, а звлаща и тую даючи причину, же людей тяглихъ повернули в послушенство и у подачку его царского величества воеводамъ, що юже отвикли были давати подачокъ, а с того найболше бунти почали вставати, бо на Запорожже волно ити в козацтво такъ козаковѣ, яко тежъ и мещанину: тамъ того не постерѣгаютъ.
Того жъ року гетманъ Дорошенко татарской сторони, затягнувши орду з Gалgа[4] солтаномъ и инними султанами великую потугу на ляховъ и искупивши войско свое козацкое, ходивъ противко ляховъ[5]. Але оного в Полщу не допущено, бо войско стояло под Подгайцами. Итакъ видячи, албо маючи вѣдомость певную, же орди великіе вишли, стали жолнѣре по фортеціяхъ, а гетманъ коронній Янъ[6] Собескій з войскомъ сталъ в Подгайцахъ, которого орда з До-
- ↑ Въ сп. Козельскаго: „в реки“.
- ↑ Въ изд. г. Бодянскаго и въ сп. Козельскаго: „отступивши“.
- ↑ Въ изд. г. Бодянскаго и въ сп. г. Юзефовича: „сукнами“, что, кажется, вѣрнѣе; въ сп. же Козельскаго: „соболѣ, сукнѣ“.
- ↑ Въ изд. г. Бодянскаго: „Далга“, въ Великор. переводѣ: „Калга“.
- ↑ Въ сп. Козельскаго: „против ляха“.
- ↑ Въ сп. г. Юзефовича и въ изд. г. Бодянскаго „Янъ“ пропущено.
