великую учинилъ войску королевскому, онихъ облегши, где барзо много войска потратили и от коней отпали, и сами у великой тривозѣ зоставши, мусѣли згоду чинити и, не хотячи позволяти, то есть уступити усего Подоля по Коросташовъ[1] туркамъ и усей Украини зректися, также и плату дати тридцять тисячъ червонихъ, и инихъ не мало вимисловъ, за грѣхи наши, над християне.
Того жъ року генваря 30, на запустную неделю, померлъ великій государъ царъ Алексѣй Михайловичъ в ночи, години четвертой, а на его мѣсце зосталї его синъ царемъ Ѳеодоръ Алексѣевичъ, и того жъ часу усѣ бояре и стрелцѣ присягали[2] его царскому величеству на подданство и на послушенство.
Того жъ року и того жъ дня узято монастиръ Соловецкій и черцовъ вистинали[3] люде ратніи его царского величества, которого монастира доставали през роковъ шесть не отступно, а за такую вину, же не позволили ся приняти новопостановленнихъ[4] рѣчей на соборѣ московскомъ при битности двохъ патриярховъ, александрийского и антиохийскаго: першая рѣчъ — же „Духа истинного“[5] не мовити у „вѣрую“; другая —[6] жеби не мовити: „Господи Іисусе Сине Божій, помилуй мя“, але такъ мовити: „Господи Іисусе Христе, помилуй мя“, а „Сина“ оставляти, и иншіе рѣчи новіе, кото-
- ↑ Въ изд. г. Бодянскаго это слово не разобрано и вм. него поставлено: „подъ королевство“.
- ↑ Тамъ же: „присягли“.
- ↑ Дальнѣйшія слова до словъ: „презъ роковъ шесть“ пропущены въ изд. г. Бодянскаго.
- ↑ Въ изд. г. Бодянскаго и въ сп. г. Юзефовича: „новопоставленихъ“.
- ↑ Въ изд. г. Бодянскаго: „святого“.
- ↑ Тамъ же: „знову зась“.
