силу самъ царъ, молодій Петръ, яко матку свою, отпросилъ у стрелцовъ, же[1] не стратили, а народъ[2] оной увесь вигубили срокго, на штуки рубаючи, а отца царичина[3] тамъ же, отпросивши, у чернъци постригли и в монастиръ Соловецкій отослали. И такъ великіе бунти повстали на Москвѣ от стрелцовъ на сенаторовъ всѣхъ,[4] обравши царемъ Іоанна Алексѣевича того жъ часу, жеби оба царами были: Іоанъ, яко старшій, и Петръ, яко молодшій; и такъ два цари на Москвѣ стало, и обоимъ присягали на послушенство. Итакъ стрилци, вивѣдуючи, хто незичливимъ билъ цару Іоанну, то тихъ брали и тиранско[5] забивали, з gанковъ[6] от палацовъ царскихъ кидали на долъ;[7] а тутъ на копіи брали, и на площади на штуки рубаючи и на копіи винесши и псомъ кидаючи;[8] с которихъ найзначнѣйшихъ персонъ сенаторовъ з пятдесят помордовано, и царевича Касимовского чвертовано, Долгорукого князя[9] з синомъ, князя Ромодановского с синомъ, которіе вожами славними были у войскахъ московскихъ, и иннихъ многихъ. Такъже стрелци подавали чолобитную на своихъ полковниковъ, головъ, сотниковъ, же ихъ роботами обтяжаютъ, плату имъ належимую[10] собѣ берутъ, по которой
- ↑ Въ изд. г. Бодянскаго: „жебъ“.
- ↑ Тамъ же: „а родъ“.
- ↑ Тамъ же: „царицына“.
- ↑ Тамъ же и въ сп. Козельскаго: „своихъ“.
- ↑ Тамъ же: „тирански“.
- ↑ Это слово пропущено въ изд. г. Бодянскаго и въ сп. Козельскаго.
- ↑ Въ изд. г. Бодянскаго вм. этого, „народъ“.
- ↑ Въ изд. г. Бодянскаго и въ сп. Коз. „на штуки рубаючи, псомъ кидали“.
- ↑ Тамъ же: „князя Юрья“.
- ↑ Въ изд. г. Бодянскаго: „належачую“.
