И яко по всѣхъ вещехъ добрѣ услужити
Желающе, пребуду незнаючи льстити.
Беллона даетъ дары.
Аще тако благо, что хощете быти
Вѣрни даже до смерти и со мною жити, —
Пріймѣте знаменіе службы сеи толико,
Обладайте носяще имя превелико.
Азъ памятствуяй всегда буду о васъ знати,
Понеже соизволихъ ко себе принята,
Вы же ко мне сердечну службу приносѣтѣ
И что вамъ есть вручено добрѣ сохранѣте.
Марсъ со воины своими благодаритъ за дари.
Когда твоей милости сподобихъ ся быти
Участникомъ, и благій даръ себѣ имѣти,
Коимъ и тебѣ приобращу славу,
Свою же увѣнчанну во честь тебѣ главу,
Поклоняяй пребуду приемъше побѣду,
Во бранехъ се первѣй въ честь тебѣ изыиду.
Воинъ первый.
Не вѣмъ како за сей даръ честь тебѣ воздати;
Аще и недостоинъ бѣхъ сій воспріята,
Но во твою честь въ брани бияйся явлюся,
Побѣду воспріемше, тебѣ поклонюся.
Воинъ вторый.
Се симъ себѣ прибуду защищаяй благо,
Тебѣ во хвалу дѣло приносящъ предраго.
Никто же насъ отъ твоей да превратитъ славы,
Донелѣ же смерть наша непостигнетъ главы.
Бунтъ желаетъ отвращенія Марсова.
Что се слышу тощно и весьма ужасно,
Яко Марсъ поработи ся Беллопѣ напрасно?
Но невѣмъ сего, аще не хитрѣ вловленный
Или изволеніемъ власнымъ преклоненный.
Кто ему сія на мысль наведе совѣта,
Что Беллопѣ восхотѣ себе покорити.
И кую славу имать сіе сотворивый,
Въ чести ли премногой быти восхотѣвый?
Азъ вся готовъ быхъ за тя умертвити сили,
Каковы въ Беллонѣ отъ рода не были.
