Се скорблю и сѣтую сего неутолпѣ,
Яко въ Россію внійде тщета самоволнѣ:
Но нехощу, нехощу имъ причастникъ быти,
Се сія вскорѣ потщуся разорити
Дотоль имамъ тщательнѣ бунты составляти,
Донеслѣже силу ихъ потщуся отъяти.
Является сему обѣщаніе, претя смертію.
Аще тако сотворитъ, яко речешь нинѣ
Се вскорѣ будеши въ смертной падъ долинѣ.
Азъ тя вскорѣ злого сотвору страждати,
Донелѣ не престанетъ сія помышляти.
Хощеши ли всецѣлымъ отъ сей казни быти,
Да не будетъ ти сіе дѣло сотворити.
Аще же и сотворитъ, се мечъ твой на главу
Обратится вскорѣ, испраздняяй славу.
Бунтъ отвѣщаетъ на сіе:
Ниже мало твоея смерти убѣгаю,
Ниже будущой казни горцѣ устрашаю.
Хощеши мученіемъ ты мя престрашити,
Ничимъ мя возможеши во семъ запретити.
Къ нему приходитъ отмщеніе.
Что глаголеши дерзко въ себѣ, о трекляте,
Душепагубный всѣма росскій супостате?
Гдѣ еси таковую своей державы
Воспріялъ крѣпость, яко претишь наша славы?
Небоишилися сій противящъ ся власти?
За сіе ти треби есть воскорѣ препасти.
Всякъ противяйся власти, противится Богу;
Вижду, яко отъ него казнь примеши многу.
Обѣщаніе.
Истинна се речеся; ибо вознесенный,
Силою Божіею будеши сотренный.
Бунтъ.
Не невѣмъ, како дерзнешъ ко мнѣ приступити,
Вскорѣ подъ мечъ главу нелѣть покорити.
Отмщеніе.
Ты ли на насъ восхощешъ мечъ нынѣ подъяти?
Се ти казнь такова изволь воспріяти;
