противъ Дорошенка, а Дорошенко послалъ по бѣлагородскую орду, которая юже не хана слухала, але пашѣ силистрийского. Итакъ Дорошенко з войсками козацкими и татарскими[1] притягнулъ[2] противъ Ханенка, которого Ханенко з запорожцами под Стеблевомъ споткалъ и такъ далъ ему[3] бой, же мусѣлъ Дорошенко в городѣ Стеблевѣ зачинитися, которого приступомъ Ханенко доставалъ и южъ[4] на валу козаки были; аже Сѣрко с козаками и татарми наспѣшилъ бѣлагородскими,[5] додалъ[6] оному помочи, же орда кримская мусѣла уходити, с которими Ханенко и Суховѣенко на Запорожжа и Хмелничченко Юрась[7] з Уманя уходилъ, але оного бѣлагородскіе татаре поймали и из собою запровадили до Бѣлагорода, а оттуля,[8] за причиною гетмана Дорошенка, до Царигорода запроваженъ и тамъ зосталъ у неволѣ царской в Едикулѣ. А Дорошенко, змоцнившися тою ордою бѣлагородскою, Умань опановалъ и тамъ людей чолнѣйшихъ вибралъ до вязення в Чигиринъ, с которихъ иннихъ и потратилъ. А орду тую бѣлагородскую постановилъ зѣмовати по усей Украинѣ ажъ до Днѣстра,[9] хотячи зѣмою ити Заднѣпря[10] воевати, що и росказалъ былъ ордѣ купитися ку Мошнамъ перед Рождествомъ Христовимъ, которіе любо скупилися были, але збунтовавшись, вернулися от Днѣпра для
- ↑ Тамъ же: „и татарми“.
- ↑ Тамъ же: „потягнулъ“.
- ↑ Тамъ же: „оному“.
- ↑ Слово „южъ“ пропущено въ изд. г. Бодянскаго.
- ↑ Тамъ же: „зъ Бѣлагородскими ордами“.
- ↑ Тамъ же пропущено слово: „додалъ“.
- ↑ Тамъ же пропущено: „Юрась“.
- ↑ Тамъ же: „а оттуда“, а въ сп. г. Юзефовича: „а оттоля“.
- ↑ Въ спискѣ Козельскаго: „до Днепра“.
- ↑ Въ изд. г. Бодянскаго: „за Днѣпръ“.
