Того жъ року конфедерація встала на короля, и жолнѣрове, которіе били при гетмановѣ[1] Ханенковѣ, комонно пойшли в Полщу до того звіонзку.
Тоей же зѣми о середопостю старшина заднѣпрская,[2] з писаремъ войска заднѣпрского, Карпомъ Мокрѣевичомъ змовившися, менуючи, же постерегли змѣну гетмана заднѣпрянского Демка Игнатенка Многогрѣшного противко его царскому величеству, напавши оного в ночи в замку батуринскомъ на ложку,[3] оного взяли и звязали, и уложивши в возъ, накривши шкурою, повезли на Москву, нѣчого не держачи, боячися, жеби оного не отнято, бо мѣлъ войска[4] своего затягового по станціяхъ, такъ же и полковники[5] не малъ по усѣхъ городахъ[6] приятелѣ его были; але якъ уже оного узявши попровадили, то юже и тое мусѣло розно уходити, а иннихъ поймавши, на Москву посилали;[7] где того гетмана, на Москву припровадивши,[8] давали на питку,[9] то есть катовѣ до рукъ пробовати; а якъ проважено в городъ, то многие стрѣчи были и на оного пліовали. И не стративши оного, отослано з братами его, з жоною на Сѣбѣръ на вѣчное пребиванне[10]. И такъ скончилося гетманство Многогрѣшного, которій собѣ клятву соборную святѣйшого патриярхи
- ↑ Въ изд. г. Бодянскаго и въ сп. Козельскаго: „при гетману“.
- ↑ Тамъ же это слово пропущено.
- ↑ Въ изд. г. Бодянскаго: „на ложу“.
- ↑ Тамъ же и въ сп. Козельскаго: „много войска“.
- ↑ Въ сп. г. Юзефовича и въ изд. г. Бодянскаго: „полковникове“.
- ↑ Въ изд. г. Бодянскаго ошибочно: „горахъ“.
- ↑ Въ изд. г. Бодянскаго и въ сп. Козельскаго: „поотсилали“
- ↑ Тамъ же: „припровадили“.
- ↑ Тамъ же: „на спитку“.
- ↑ Тамъ же: „пробуване“. Въ сп. г. Юзефовича: „пробовання“.