нѣ во что поважаючи, совсѣмъ в нѣвець пойшолъ;[1] а маетность его розно старшина подѣлила.
Того жъ лѣта присланъ от короля его милости и гетмановъ короннихъ рейментаромъ з войсками Лужецкій,[2] каштелянъ подлескій,[3] в Ладижинъ, до гетмана Ханенка. Але тамъ не много стояли, бо Дорошенко гетманъ видячи, же оного утискаютъ[4] зо всѣхъ сторонъ, а жалуючи гетманства утратити, яко найчастѣй посилалъ до Турчина, просячи о посилки.
Того жъ лѣта Турчинъ зо всѣми войсками рушилъ под Камянець, росказавши и хановѣ кримскому ку себѣ ити. Итакъ ханъ кримскій, зейшовшися з гетманомъ Дорошенкомъ, тягнули мимо Ладижинъ на Батогъ. И тамъ гетманъ Ханенко и рейментаръ каштелянъ[5] подляскій мѣли потребу з оними, але же ихъ сили великіе не додержавши, мусѣли уступати до Ладижина ис шкодою. А ханъ и Дорошенко, не займаючи Ладижина, з войсками потягнули просто под Камянець до Турчина, где и Турчинъ притягнувши, Камянець найшовши не в готовности, бо войско з Камянця вийшли на тот часъ были, за упрошеніемъ мещанъ, же не сподѣвалися того приходу турчинового. Где тилко недель двѣ держалися, але знать южъ Бозский[6] гнѣвъ наступилъ, бо порохи в цекгавзу запалились,[7] где много замку викидало. Итакъ Камянець зда-
- ↑ Въ изд. г. Бодянскаго другой порядокъ словъ: которой нѣвочто поважаючи себѣ клятву соборную святѣйшаго патріархи, совсѣмъ въ нѣвецъ пойшолъ“.
- ↑ Тамъ же и въ сп. Козельскаго: „панъ Лужецкій“.
- ↑ Въ сп. г. Юзефовича и въ изд. г. Бодянскаго: „Подляскій“.
- ↑ Въ изд. г. Бодянскаго и въ сп. Козельскаго: „утискуютъ“.
- ↑ Тамъ же: „панъ каштелянъ“.
- ↑ Въ изд. г. Бодянскаго и въ сп. г. Юзефовича: „Божескій“.
- ↑ Тамъ же: „запалили“.
